Joe Biden: Putin ta responsabel pa morto di lider opositor Ruso Navalny

WASHINGTON – Presidente Mericano Joe Biden ta tene presidente Ruso Vladimir Putin responsabel pa morto di e lider opositorio politico Ruso Aleksej Navalny. Esey e la bisa diabierna merdia como prome reaccion riba e noticia di e morto. Un acusacion asina di un presidente contra otro presidente ta wordo tuma hopi na serio y e noticia a bira esun mas principal diabierna merdia.  Segun Biden, Navalny tabata un voz fuerte pa e berdad. Biden a bisa di no ta sorprendi cu e morto, pero si hopi rabia. Mientras cu hendenan rond di Navalny no por a confirma e morto, Biden ta bisa cu e no tin motibo pa duda cu e politico ta morto. Mes momento Biden no kier a papia explicitamente di un asesinato. E ta conecta e morto cu e bataya politico na Merca pa logra extra fondo pa Ucrania.