Detencion di ex minister Besaril prolonga cu 8 dia mas

ORANJESTAD – E detencion di ex minister Guilfred Besaril a keda prolonga cu 8 dia. Asina vocero di Ministerio Publico, Ann Angela a confirma diabierna mainta. E ex mandatario a keda deteni diamars despues cu e la ‘meld’ na Landsrecherche. A keda interoge e dianan aki, a sigui e proceso di in verzekering stelling y a prolonga e detencion aworaki atrobe. Esey no kier men si cu e lo tin cu sinta tur 8 dia. Si durante e dianan aki dicidi cu no tin necesidad mas pa interogue, e ora por dicidi pa lague bay. E ex mandatario ta deteni den e caso Tulipan, unda cu e ta wordo acusa di entre otro corupcion y abuso di poder como minister durante e periodo cu e la fungi como minister plenipotenciario na Hulanda.