Ekiponan di auto di careda F1 a cuminsa presenta nan auto nobo publicamente

LONDON – E siman aki varios ekipo di auto di careda professional F1 a presenta y ta presentando nan auto nobo conforme procedura. E temporada ta cla pa cuminsa comienso di maart, pero prome cu esey cada ekipo ta presenta nan auto nobo publicamente. Tambe tin varios cambio den e ekiponan, unda cu un di nan sigur tabata e partida di e hefe di ekipo Günther Steiner for di e ekipo Haas, despues e transferencia di e coredo Britanico Lewis Hamilton di Mercedes pa Ferarri otro aña. Y tambe e problema den e campo di careda di Red Bull, e ekipo di e campeon mundial Max Verstappen. Aki ta e hefe di ekipo Christian Horner tin problema pa su comportacion no corecto contra e trahadonan, violando varios regla. Max Verstappen ta presenta su auto nobo oficialmente diahuebs awor, aunke cu diamars caba e la test e auto riba e pista Britanico di Silverstone. Ta wak si e aña aki e ta logra aumenta su titulo cu un di 4 pa campeon mundial.