Bikker: Resolucion pa apelacion den casonan di belasting na Corte Supremo

DEN HAAG - Un di dos resolucion a wordo entrega pa parlamentario Andin Bikker den e reunionnan tripartite cu Parlamentonan di Aruba, Corsow y Sint Maarten. For di april 2010, Bikker a entrega un amienda den Tweede Kamer pa introduci oportunidad pa cassatie (apela te na Hoge Raad) den casonan di belasting for di Aruba, Curacao, Sint Maarten, Boneiro, Saba y Sint Eustatius, cual a wordo incorpora den e Rijkswet Cassatieregling den articulo 15a.

NO TA CLA

Sinembargo e art. 15a solamente por drenta na vigor ora tur isla cambia nan belasting procesrecht y introduci dos instancia di apelacion (Hoger beroep) den casonan di belasting. Aruba a introduci esaki na januari 2015, pero e otro islanan no a keda cla te ainda. E resolucion di Bikker pues ta follow up cu e otro islanan pa urgi nan Gobierno pa haci lo posible pa e respectivo leynan wordo cambia pa e art. 15a drenta na vigor y por apela den casonan di belasting te na Hoge Raad for di Aruba, Curacao, Sint Maarten y islanan BES. E informacion cu NoticiaCla.com tin ta cu e resolucion a haya sosten amplio. Por lesa e resolucion aki.