- Miembro di Tweede Kamer ta den studio awe di Noticiacla LIVE
- Aruba y Corsou sugeri como destinacion mas amigabel pa LGBTQ mericano
- Top funcionarionan di gobierno na Corsou lo por gana maximo 386.000 florin
- Analisis: Ora cu cuido pa adulto mayor na Aruba ta mata: Parti I
- Activista di derechonan civil Jesse Jackson (84) a fayece
ATA a honra The Aruba Invaders durante parada di Oranjestad
ORANJESTAD - Durante Parada Grandi di Oranjestad, dilanti di Oficina di Turismo (A.T.A.), CEO Ronella Croes a hiba palabra di elogio y a otorga un reconocimento di sorpresa na Aruba Invaders pa nan dedicacion excepcional na e comunidad local y cultura di Aruba.
Presente pa ricibi e reconocimento tabata rumanan Lee Connor y Nico Connor den nomber di The Aruba Invaders. Yena cu emocion Mr. Lee Connor a expresa palabra di gratitud pa cu e reconocimento aki.
Manera ta conocí, A.T.A. a desvela proyecto di ‘Aruba ta presenta The Invaders and Steelpan History’ durante e paradanan di mas grandi den Carnaval. Un proyecto cu a crea un emoción di nostalgia, hibando tur expectador di carnaval bek na e inicio di nos carnaval cu e sonido encantador di e orkesta di steelpan di ‘The Invaders’.
E trayectoria di The Aruba Invaders a cuminsa durante decada ‘40, bou guia di maestro Trinitario Leonard Turner, “The Invaders” a inicia un revolucion musical na Aruba, trahando melodia cu drum di Refineria di Lago. Na 1948, The Invaders a bira e prome orkesta di steel profesional di e isla. Pa despues Vincent Bacchus uni na 1951 cu formacion di “The All Stars Steel Band.”
Cu tempo, a surgi mas maestro manera Paul Connor cu ‘Caribbean Stars’ y Dennis Jones cu su mesun banda unico. Na 1952, Edgar Connor, e tocado di steelpan di mas hoben, a forma su banda y asina a stimula y profila bandanan di steelband cu ritmo y estilonan caracteristico. Awendia, Aruba Panman Foundation, encabesa pa Lee Connor di The Aruba Invaders, ta preserva e legado pa continuacion di e tradicion hunto cu demas rumannan Connor.
Pabien un biaha mas na Aruba Invaders y e comunidad di steelpan na Aruba. Cu e musica di steelpan keda resona den nos tradicion cultural.
ONU: Preocupacion tocante pobreza y desigualdad riba islanan caribeño den Reino Hulandes
DEN HAAG/WILLEMSTAD – Naciones Uni ta expresa atrobe preocupacion serio tocante pobreza, desigualdad y derechonan social riba e islanan caribeño den Reino. Segun e Comision di Naciones Uni pa Derechonan Economico, Social y Cultural, e diferencianan cu Hulanda Europeo ta keda grandi y ta haci falta esfuerzo adicional pa sigura derechonan humano den parti caribeño.
Lord Lally a bira e Soca Monarch 2026 diadomingo marduga
SAN NICOLAS – Despues cu inicialmente e anochi final di Soca Monarch Festival a cuminsa cu problema, un tardansa di casi 3 ora pa problema cu hurado, Soilo Sanchez, conoci como Lord Lally, a keda corona como e Soca Monarch 2026 cu e cancion The Lizard Kacking den careda di 5’or y mei di diadomingo marduga! Pabien tambe na Mitch di 5 finalista, Galloway di 4 finalista, Mighty Tattoo di 3 finalista, Diamond Chip di 2 finalista.
Cas di Cultura cu campaña “Adopt-a-Chair” pa recauda fondo pa su renobacion
ORANJESTAD -Cas di Cultura a lansa oficialmente Adopt-a-Chair, e prome iniciativa publico pa recauda fondo bou di e campaña di renobacion; E Brasa, invitando comunidad pa tuma parti na e renobacion di Cas di Cultura, e teatro nacional di Aruba.
Carnival Cruise Line a haci donacion di 15 cuna na Stichting Casa Cuna Progreso
ORANJESTAD - Carnival Cruise Line, via su barco Carnival Conquest, a reafirma su compromiso cu comunidad di Aruba por medio di un donacion di 15 cuna na Stichting Casa Cuna Progreso. Riba 22 di januari a entrega e donacion oficialmente na Aruba durante un ceremonia special. Presente tabata representante di Aruba Tourism Authority (A.T.A.), Aruba Ports Authority N.V. (APA NV) y Stichting Casa Cuna Progreso. APA NV tabata representa pa CEO, Marc Figaroa y Chief Commercial Officer Mario Arends, mientras cu Cruise Manager, Monica Bos, tabata presente representando Aruba Tourism Authority. Jessica Canhigh, Directora di Stichting Casa Cuna Progreso, a ricibi e donacion na nomber di e organisacion.
Tata y yiu a gana titulonan di Festival di Tumba den fin di siman
SAN NICOLAS – Den fin di siman, Aruba a conoce su Rey di Tumba pa carnaval 72, den persona di Roderick ‘Rocco’ Franken, cu e tuma Decreto Final. Aparte di Franken, Gino Petrocchi a bira e ganador di Tumba Loco cu e tumba Bati’e P’e Sali. Poco mas prome, tabatin e resultado di e festival di Tumba Infantil y Hubenil. Remarcable ta cu pa loke ta e categoria di Hubenil, yiu muher di e persona cu a bira Rey di Tumba, a bira e Reina di Tumba Hubenil, den persona di Melody Franken cu e tumba ganado Ban Cumi. Pues tata y yiu ta gana premio maximo di tumba. Tambe tin e resultado di tumba infantil, cu a bay pa Jaymerson Kelly cu e tumba Oloshi Cana Pami.
Elmar relaciona cu 75 aniversario a reparti donacion di 150 mil entre 20 instancia social
ORANJESTAD - Hunto Nos ta Briya Mas! 20 instancia social a ricibi un donacion den cuadro di 75 aniversario di ELMAR. Nos Corporate Social Responsibility (CSR) ta enfoca riba 4 categoria: deporte, cultura, sostenibilidad y causanan social pa gruponan vulnerabel. ELMAR a haci un donacion na e instancianan aki pa nan por sigui comparti e luz di speransa cu tur esnan di mas necesidad den nos comunidad, alabes ELMAR ta gradici nan pa asisti pa celebra nos 75 aña iluminando Aruba.
Follow NoticiaCla
