SETAR y Orange (Francia) lo construi kabel subteraneo entre Aruba y Martinica

ORANJESTAD – E operador Frances di Telecomunicacion Orange, y e compania di telecomunicacion local di Aruba SETAR, a ricibi un suma miyonario di financiamento di Union Europeo pa construccion di un kabel submarinio Celia CETC, entre Aruba y Martinica. Asina e portal BN Americas ta raporta diamars.

OBHETIVOSegun e portal, e obhetivo ta pa conecta e ciudadanan di Lamentin (Martinica di Francia) y Baby Beach (Aruba). E kabel nobo lo cubri un area total di 1.888 km, cu un capacidad di diseño di 40Tbps atravez di dos kabel di fiberoptic. Ta spera cu e kabel nobo por cubri e aumento di trafico te por lo menos 2050. Segun mas informacion, Orange a ricibi 13.2 miyon dollar di financiamento, mientras cu SETAR lo ricibi 3.9 miyon dollar. 

E proyecto lo cuminsa na maart proximo y lo termina despues di 2 aña esta maart di 2027. NOTA: E potret cu e articulo aki ta solamente pa ilustracion di un kabel subteraneo y no necesariamente ta trata di e kabel en cuestion.