Artista renombra internacionalmente di arte plastico Oscar Olivarte ta den Noticiacla LIVE awe nochi

Artista renombra internacionalmente di arte plastico Oscar Olivarte ta den Noticiacla LIVE awe nochi

Posted on 02/8/2024 3:32 pm AST | Updated on 02/8/2024 3:35 pm AST

ORANJESTAD – E conocido artista plastico di renombre internacional, Oscar Olivares ta invitado den Noticiacla LIVE awe diahuebs anochi 9’or. Su arte ta crea cuadro of obranan grandi completamente traha di tapadera di boter di productonan usa, como un forma di reciclahe. Actualmente e la completa su obra na Aruba, ubica den e hotel mas nobo Aruba Boutique & Art Hotel, cu pronto lo habri su portanan oficialmente na Palm Beach. E obra ta identifica e presencia di e hotel cu ta enfoca riba arte y cu e obra aki ta pone su stempel como tal. Unabez cu e hotel habri su porta, un y tur lo por aprecia e obra en persona. Awe nochi por mira esaki caba visualmente y haya un splicacion amplio riba e arte diferente aki. 

  • Embassy Suites a logra precario pa pone palapa, banda di e beach cu nan a solicita

    Embassy Suites a logra precario pa pone palapa, banda di e beach cu nan a solicita

    ORANJESTAD – Despues di basta problema, Embassy Suites Aruba Resort a logra haya su precario pa pone palapa riba beach. Esaki ta un otro 'palabra' pa e permiso pa pone palapa y stul pa nan turistanan por usa e beach respectivo. Segun abogado cu ta representa e hotel, Gwendelyn Croes, a bisa Noticiacla, “E ta (e) mesun precario cu tur otro hotel ta haya”,. Segun Croes, pa pone palapa y beach chairs e mester comparti cu e precario cu a wordo duna eynan den pasado na e Watersport bedrijf cu tin su tent eyriba. 

  • HBO ta estrena serie documental di Aruba cuminsando na April

    HBO ta estrena serie documental di Aruba cuminsando na April

    ORANJESTAD - “Blue Lizard Effect” t'e serie documentario nobo di Aruba cu lo ta disponibel riba HBO MAX entrante dia 17 di april 2024 pa e mercado di Latino America, Europa y Merca. A realisa e serie Blue Lizard hunto cu Aruba Tourism Authority (A.T.A.) y Pacifista Film. Cu e serie aki Aruba ta posiciona como un di e islanan di Caribe mas innovativo den desaroyo di contenido y comunicacion.

  • DOW ta reclama: “Esaki no ta manera pa comporta na nos beachnan”

    DOW ta reclama: “Esaki no ta manera pa comporta na nos beachnan”

    ORANJESTAD – DOW diahuebs no tabata nada contento cu e situacion cu nan a encontra durante un control di e beachnan recientemente. “Esaki no ta manera pa comporta na nos beachnan” tabata e mensahe di DOW diahuebs riba nan pagina di Facebook, acompaña pa varios potret di e situacion. A mustra cu hopi hende, localy turista lo a susha e beach considerablemente na varios parti unda cu DOW a traha un structura miho di intrastructura. “ Ta pidi nos localnan y sigur nos turistanan pa por fabor tene nos beachnan limpi” DOW a sigui bisa. . 

  • Havenmeester Bonaire: Tin manchanan di zeta na caminda pa Aruba y Corsou

    Havenmeester Bonaire: Tin manchanan di zeta na caminda pa Aruba y Corsou

    ORANJESTAD – Tin mancha di zeta (petrolio) na caminda pa Aruba y Corsou. Asina e havenmeester di Bonaire Gunther Flanegin a bisa diaranson merdia durante un conferencia di prensa na Bonaire riba e situacion di e manchanan di zeta cu a yega Bonaire e siman aki, procedente di e derame di zeta di un boto na Trinidad y Tobago. E isla a haye ta limpia varios boca cu a keda afecta, pero a mira cu fuera di esey, no tin menasa mas. Mes momento, riba pregunta di noticiacla riba e informe di Bonaire, e director di CMO, Rino Hermans a informa e portal aki cu ta spera esaki pa mayan, per mes momento ta bisa tambe cu mañan nan ta premira algo di e manchanan. “ Pero e stroom ta na nos banda pa want’e for di costa (di Aruba)” Hermans a sigura e portal aki diaranson merdia. 

  • CMO: Tin ekipo di 60 hende cla pa atende cu derame petrolero si e yega Aruba

    CMO: Tin ekipo di 60 hende cla pa atende cu derame petrolero si e yega Aruba

    ORANJESTAD – Gobierno di Aruba ta planea pa activa un ekipo di 60 hende pa atende cu e situacion di derame di petrolio si esaki yega costa di nos isla. Asina e director di e Crisis Management Office (CMO) Rino Hermans a declara na prensa internacional e siman aki. Manera ta conoci, e derame di petrolio cu a sosode na Trinidad y Tobago, a yega costa di Bonaire e siman aki pa cual Aruba a anuncia cu nos ta den codigo oraño (for di codigo geel). E ekipo lo trata hende di prome auxilio (first responders) y di limpiesa. 

  • Conocido comerciante y personahe deportivo Eddy Daou a bay sosega

    Conocido comerciante y personahe deportivo Eddy Daou a bay sosega

    ORANJESTAD – Awe mainta e noticia a drenta cu e conocido comerciante y personahe den deporte na Aruba, Fouad ‘Eddy’ Daou a bay sosega. Ademas famianan tambe a confirma e noticia lamentable na e portal aki, esta noticiacla.com. Daou tabata basta debil pa hopi tempo caba pa motibo di su salud. Recientemente e tabata ainda na e despedida di su ruman Sanin su entiero. Eddy tabata tambe un di e propietario di e negoshi Dowco. Eddie tabata un yiu di Corsou, cu hunto cu su otro rumanan a bin biba na Aruba den añanan  80 y a establece nan mes comercialmente hopi fuerte. Noticiacla ta manda palabra di condolencia na famianan di Eddy Daou. Cu Eddie sosega na paz. 

  • Zulo
  • Varadero
  • Powered by SETAR