NOAA: Menos tormenta e temporada di horcan 2015

ORANJESTAD – E centro di pronostico climatologico di NOAA (National Oceanic and Atmospheric Administration) a bisa diaranson cu e temporada atlantico di horcan 2015 lo ta mas sigur menos activo cu normal. Pero cu esey no ta motibo pa pensa cu e temporada lo ta uno suave. E temporada ta pronostica 70 porciento di posibilidad cu lo tin entre 6 pa 11 tormenta cu nomber, di cual 3 pa 6 tormenta lo bira horcan, y 2 por bira horcan peligroso (categoria 3 of mas halto).

PELIGER

“Un temporada menos ocupa cu normal no kier men cu nos ta fuera di peliger”, e administrador di NOAA, Kathryn Sullivan a bisa, refiriendo na e temporada di 1992 ora cu tabatin apenas 7 tormenta pero un horcan Andrew cu a causa destruccion mayor na e parti sur di Florida na Merca.

EL NIÑO

E factor principal pa cual e temporada ta mas abou cu normal, ta e efecto di ‘El Niño’ cu ya caba ta afectando e biento y presion, y lo dura pa full e temporada di horcan.

ANA

E hecho cu tabatin un tormenta prome cu tempo caba e aña aki, Ana, no ta indicativo di e actividad abnormal ni e indicacion di e forza di e temporada. E forma con e la forma, ta diferente for di e temporada ‘normal’ cu ta cuminsa 1 di juni y ta dura te 30 di november. Aki por sigui e proceso di horcan durante e temporada 2015.