Aunke tin bon progreso, van Huffelen ta insisti pa Aruba realisa aun mas cambio!

DEN HAAG – Aunke cu Aruba a haya hopi compliment pa su progreso cu e trabounan di Landspakket, sigur compara cu e otro islanan, e secretario di estado Hulandes Alexandra van Huffelen kier mas. “Aunke nan ta pasonan importante, mi ta insisti na Aruba cu ta importante pa realiza mas  cambio” van Huffelen a bisa Tweede Kamer e siman aki. Entre e pasonan extra, e ta referi na simplifica e sistema, aumenta e viabilidad y, por lo tanto, e cumplimiento. 

COMPLIMENT

Den e carta pa Tweede Kamer, e secretario ta menciona cu desde cu Aruba a firma pa e Landspakket fin di 2020, Aruba a sa di marca progreso riba tur e temanan. Tin hopi trayecto di reforma cu a inicia, y tin algun resultado concreto tambe. E ta haxi mencion di nan tambe den e carta. Pa lesa e carta completo, click AKI.