- Croes: Salario minimo ta surpasa 2000 florin pa luna na januari 2025
- Papa Francisco ta kere cu Trump i Harris “ tur dos ta contra bida”
- Polis ta adverti pa 'postnan' violento y sexual riba Instagram
- Aruba a conoce un otro miyonario cu Lotto!
- Ainda e ganador di premio miyonario di Lotto di juli 2024 di AFL 1.650.000 no a cobra su premio!
ATA a estrena proyecto di Steelpan durante Carnaval 2024
ORANJESTAD - Diasabra ultimo durante Grand Lighting Parade Oranjestad, Aruba Tourism Authority a desvela locual ta bira e proyecto di ‘Aruba ta presenta The Invaders and Steelpan History’. Un proyecto di un gran magnitud y bunitesa cu lo ser admira durante Parada di Luz San Nicolaas, sigui pa Parada Grandi di San Nicolaas, y Parada Grandi di Oranjestad.
E iniciativa remarcabel aki a conta cu participacion legendario di Aruba Invaders, e banda di steelpan di mas bieu y stima na Aruba. Cu un historia rico di mas cu 70 aña, Aruba Invaders a sa di domina e arte di musica y a dedica nan mes pa pasa nan conocemento musical y herencia cultural di musica di steelpan na diferente generacion.
E presentacion di e trailer di A.T.A. hunto cu Aruba Invaders tabata e punto di atencion riba e anochi magestral aki. Por a presencia mensahe general di A.T.A., un presentacion di videonan di carnaval di antes te cu awor, y tononan musical di steelpan mas emblematico di Aruba. E bunita colaboracion aki tabata un celebracion y un regalo na e comunidad di Aruba dedica na e legado cultural di Aruba su carnaval.
Alabes, A.T.A. a pone disponibel un Qr-Code riba e trailer cu ta brinda detayenan tocante e proyecto den su totalidad, historia, diferente video y musica di pasado te awor. Nos ta invita e comunidad pa scan esaki durante di parada of bishita https://www.aruba.com/us/our-island/history-and-culture/steelpan-history.
Un invitacion ta ser extendi na e comunidad local y bishitante di e isla pa uni nan mes na e proyecto historico aki. Disfruta di e ritmo contagioso, captura momentonan inolvidabel, y bira parti di e legado carnavalesco cu lo keda resona den e cayanan vibrante di Aruba.
Un danki special na Go Cultura Foundation y Elite Productions, y na e siguiente organisacionan pa cu nan contribucion y conocemento: Departamento Arubiana-Caribiana di Biblioteca Nacional di Aruba, Sra. Graciela Nedd-Cheng, Archivo Nacional di Aruba, Sra. Maybelline Arends-Croes, Rebecca Roos Productions, canal di YouTube: Roos Productions.
TOCANTE ARUBA INVADERS
Durante decada ‘40, bou guia di maestro Trinitario Leonard Turner, "The Invaders" a inicia un revolucion musical na Aruba, trahando melodia cu drum di Refineria di Lago. Na 1948, The Invaders a bira e prome orkesta di steel profesional di e isla. Pa despues Vincent Bacchus uni na 1951 cu formación di "The All Stars Steel Band." Cu tempo, a surgi mas maestro manera Paul Connor cu ‘Caribbean Stars’ y Dennis Jones cu su mesun banda unico. Na 1952, Edgar Connor, e tocado di steelpan di mas hoben, a forma su banda y asina a stimula y profila bandanan di steelband cu ritmo y estilonan caracteristico. Awendia, Aruba Panman Foundation, encabeza pa Sr. Lee Connor di Aruba Invaders, ta preserva e legado pa continuacion di e tradicion hunto cu demas rumanan Connor.
Aruba a conoce un otro miyonario cu Lotto!
Ainda e ganador di premio miyonario di Lotto di juli 2024 di AFL 1.650.000 no a cobra su premio!
ORANJESTAD – Despues cu e di tres ganador miyonario a cobra su premio miyonario diabierna na Lotto, a bin compronde cu esun cu a gana su premio na juli, ainda no a cobra esun di dje. Tabata despues na juli tabata tin un otro premio miyonario di Lotto 5 cu a wordo gana di e suma di 1 miyon 650 mil florin y e ticket ganado a wordo cumpra na Sunshine Lottery pero e premio aki no a wordo cobra ainda y Lotto ta wardando e miyonario pa busca su premio.
DIMP: Por cuminsa paga impuesto di vehiculo di motor di aña 2025
ORANJESTAD – Departamento di Impuesto (DIMP) a anuncia cu na e momentonan aki tur contribuyente automobilista por cuminsa haci pago di impuesto di vehiculo di motor di aña 2025. Di e forma aki Departamento di Impuesto ta permiti e contribuyentenan pa haci e pago mas trempan, dunando asina mas espacio financiero pa por cumpli cu nan deber fiscal. Manera ta conoci, e automobilista por scoge pa paga su impuesto di vehiculo di motor den un solo biaha of den mas biaha haciendo uzo di e servicio di pago parcial.
Registro di Aruba a valida e tipo di avionnan G700 di Gulfstream
MIAMI - E aceptashon di e Departamento di Aviacion Sivil di Aruba (DCA) ta sigui e aprobacion di e avion su Agencia di Seguridad di Aviashon di Union Europeo (EASA) na mei. Pa varios aña caba, avionan internacional por registra na Aruba, cu ta un entrada extra pa pais Aruba. E G700 awor a obtene certifikadonan di autoridadnan clave di aviacion, incluyendo FAA, EASA, y mas recientemente, Autoridad di Aviacion Civil di Reino Uni.
Pa 2025 tin plach’i number nobo y un color diferente!
ORANJESTAD – Departamento di Impuesto a anuncia diaranson cu otro aña lo otorga plach’i number nobo na e doñonan di vehiculo di motor. E plachinan nobo ta bay ta valido pa un periodo di 5 aña, esta pa e añanan 2025 te cu 2029. Na e momentonan aki e plachinan ta wordo fabrica den exterior y ta premira cu lo ricibi e plachinan durante luna di december 2024. E momento exacto ora cu lo bay cuminsa parti e plachinan aki lo wordo anuncia despues.
Prijs di gasoline y otro productonan petrolero ta baha diaranson
ORANJESTAD - Minister di Asuntonan Economico, Comunicacion y Desaroyo Sostenibel ta anuncia e prijsnan nobo di benta di combustibel entrante 11 september 2024:
Follow NoticiaCla
