Aruba so no kier acepta cedula ainda pa biaha entre islanan di Reino Hulandes

ORANJESTAD – Aruba ta e unico isla den Reino Hulandes cu no ta cla ainda pa ricibi ciudadanonan di e otro islanan ruman, cu solamente un cedula. Tur e otro islanan a bay di acuerdo incluyendo Corsou y St Maarten pa e programa piloto unda cu por biaha entre e islanan di Reino Hulandes usando solamente bo cedula. For di aña pasa Aruba a resisti y tabata kier mas investigacion prome. E aña aki, luna pasa durante e ultimo JVO na Corsou, Aruba ainda no tabata cla pa participa. E programa piloto a inicia 1 mei 2022, y mientrastanto a keda evalua positivamente, pa tur isla menos Aruba. Esey a nifica cu a extende e programa pa un di dos biaha. Mientras cu (cu excepcion di paspoort) e otro condicionan local pa cada isla ta sigui na vigor, manera e prueba cu tin suficiente fondo pa por keda riba e isla. Ciudadanonan cu tin cedula di e islanan pero no ta ciudadano Hulandes, no por participa tampoco. Tampoco poe usa esaki pa biaheronan entre e islanan y e parti Europeo Hulandes. 

ARUBA

Mientras cu Aruba ta rekeri paspoort pa drenta, un rubiano por usa su cedula pa drenta e otro islanan, pero ora e bolbe Aruba, e mester su paspoort. Minister di Husticia di Aruba Rocco Tjon ainda no a reacciona riba pregunta di e portal aki, pakico ainda Aruba no ta cla pa e cambio aki.