Brindando mas oportunidad pa crecemento: A promove 115 asociado na Aruba Marriott Resort

Posted on 02/6/2024 9:52 am AST | Updated on 02/6/2024 2:18 pm AST

(ADVERTORIAL)

ORANJESTAD - Aruba Marriott Resort & Stellaris Casino a anuncia cu aña pasa, esta na aña 2023, cu nan a promove of transferi no menos di 115 asociado. Esaki ta algo cu e compleho di hotelnan Marriott ta hopi orguyoso di dje. Como dunado di trabou, a haci tur lo posibel pa yuda cada un yega nan meta. Segun Reuella Berg, Director Human Resources Operations na Aruba Marriott Resort & Stellaris Casino, esaki ta djis e comienso pasobra e ta sigur cu lo mira e coleganan aki sigui crece den e compania. 

Aruba Marriott ta un compania estableci na Aruba pa 29 aña caba. Ta un compania cu ta haci tur loke ta na su alcance pa por mira su asociadonan desaroya. Aruba Marriott ta yuda su asociadonan sea ta pa bira supervisor, manager of simplemente transferi nan di un departamento pa otro. Na Aruba Marriott semper tin algo nobo pa siña. 

IMARIE LUIDENS A BIRA “OPERATIONS MANAGER” NA CAMPEONES

Imarie Luidens, F&B Operations Manager na restaurant Campeones Cantina & Tequila Bar, a cuminsa traha na Aruba Marriott na aña 2013 como server assistant na Ruth's Chris Restaurant y a traha eyden pa dies aña largo. Luidens a comenta cu durante su añanan na Aruba Marriott e semper a purba di crece y desaroya su mes. El a haya diferente oportunidad pa cross training den diferente departamento. Tambe el a haya oportunidad pa haci un Management Development Program caminda el a siña hopi riba con pa maneha un departamento. Asina a haya oportunidad pa traha como Acting Manager Assistant na Ruths Chris Restaurant pa mas o menos 5 luna y djey el a haya oportunidad pa bira F&B Operations Manager na Campeones Cantina & Tequila Bar. Awor e tin por lo menos tres luna caba den e funcion.

Riba e pregunta: Kico ta haci Aruba Marriott e miho dunado di trabou riba nos isla? Imarie Luidens a contesta: “Definitivamente, Aruba Marriott ta laga bo sinti manera un famia”. Nan ta haci tur lo posibel pa cuida trahadonan. E beneficionan pa trahado y famia no tin comparacion. Aruba Marriott ta un compania cu ta aporta pa su trahadonan sigui crece. 

FRANCIS TROMP A BIRA GERENTE DI ENTRETENIMIENTO

Francis Tromp, F&B Operations Manager encarga cu e departamento di entretenimiento, tin nuebe aña trahando cu Aruba Marriott. El a cuminsa den e departamento di Banquet, caminda e tabata atende cu tur e contratistanan cu tabata bay Aruba Marriott pa haci un set-up. Despues di dos aña el a drenta e departamento di Human Resources caminda el a traha pa no menos cu shete aña. Francis a comenta cu en realidad e no tabatin niun idea di kico e departamento ta encera pero Aruba Marriott a dun’e tur oportunidad necesario pa siña mas di e carera. Unabes cu bo tin un bon actitud Aruba Marriott ta duna bo e hermentnan necesario pa siña mas. 

Despues di shete aña Francis Tromp tabata cla pa algo nobo pues el a tuma e oportunidad den e area di F&B pero mas specifico den entretenimento. E ta un musico y esaki tabata algo cu a pas net p’e. Awo e ta encarga cu entretenimento y un poco den F&B caminda e ta conta cu un team dinamico. 

RYAN RIDDERSTAP DI “DEALER” PA “SHIFT MANAGER” DEN CASINO

Ryan Ridderstap, Shift Manager na Stellaris Casino, a cuminsa su carera na Aruba Marriott na aña 1995, ora cu e hotel a habri su portanan oficialmente na Aruba. El a haya oportunidad y a tum’e mesora y awo lo cumpli 29 aña trahando pa Aruba Marriott & Stellaris Casino. El a cuminsa como dealer, despues a promov’e pa supervisor, despues Pit Boss, sigui pa assistant manager di marketing y actualmente e ta un shift manager. Aruba Marriott no unicamente ta duna bo hermentnan necesario pa cumpli cu bo trabou pero e ta inverti den su asociadonan tambe. 

ARUBA MARRIOTT TA E MIHO DUNADO DI TRABOU NA ARUBA

Aruba Marriott tin beneficio pa tur su trahadonan. Ta cu masha siguransa Reuella Reeberg ta bisa cu Aruba Marriott ta e miho dunado di trabou aki na Aruba. E empleadonan ta conta cu diferente beneficio, por ehempel den luna di december tur a haya henter un luna extra di salario como holiday bonus. Den luna di december cada asociado a ricibi un gift card balora na 250 florin y ademas a rifa mas di 30.000 florin na premio. Esaki ta djis un ehempel di loke nan a haci den luna di december so, aunke cu henter aña tin actividad pa e asociadonan pa mantene un bon ambiente. 

Aruba Marriott ta haci diferente actividad social pero tambe fisico pa su asociadonan. E ta un compania cu asociadonan ta traha solamente cinco biaha pa siman y ta conta cu beneficio di cobertura di gasto di bril y dentista. Un di e beneficionan di mas atractivo ta e descuento cu tur asociado ta haya ora cu nan biaha y keda na cualkier Marriott rond mundo. 

Si abo ta interesa pa traha cerca e miho dunado di trabou na nos isla, bo por subi https://careers.marriott.com/ y busca Aruba pa evalua tur e posicionnan cu tin disponibel. 

TOCANTE ARUBA MARRIOTT RESORT & STELLARIS CASINO

Aruba Marriott Resort & Stellaris Casino a habri na aña 1995 cu 411 camber y a añadi tres camber na 2018. Na aña 1999 a habri Ocean Club cu 311 camber y na aña 2004 a habri Surf Club cu 900 camber. Na tur, e famia di Marriott Aruba ta consisti di mas o menos 1200 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.

  • A.T.A. a patrocina evento cu Reina Maxima como orador principal na Colombia

    A.T.A. a patrocina evento cu Reina Maxima como orador principal na Colombia

    ORANJESTAD – Oficina di turismo di Aruba a anuncia diabierna cu e oficina, cu hopi orguyo, a forma parti di un evento significativo den e mundo di Fintech na Colombia. E evento cu ta titula “Pagos Para Inclusión Financiera” a tuma luga dia 28 di februari na Bogota y tabata tin como invitado special y orador principal S.A.R. Reina Máxima. Reina Máxima ta Embahadora/Representante Special di E Secretario General di Nacionnan Uni cu ta para pa Inclusion Financiero y Desaroyo.

  • CAFt: “Aruba mester probecha e momentum pa haci economia mas resilliente”

    CAFt: “Aruba mester probecha e momentum pa haci economia mas resilliente”

    ORANJESTAD  – Economia di Aruba ta creciendo bon. Finansa publico tambe ta mustra un panorama posoitivo. Ta importante pa Aruba uza e posicion financiero actual pa pone finansa publico structuralmente na ordo y haci cu economia bira mas resiliente. Un maneho presupuestario prudente ta sigui ta mas importante cu nunca, teniendo cuenta cu e gastonan halto di interes. Reforma structural den seguridad social y riba mercado laboral ta percura pa mas resiliencia. 

  • Venezuela a exporta 270 ton di carga pa Aruba y Corsou den prome dos luna di 2024 caba

    Venezuela a exporta 270 ton di carga pa Aruba y Corsou den prome dos luna di 2024 caba

    CARACAS – Durante e prome 2 luna di 2024, Venezuela a aumenta su exportacion pa Corsou y Aruba cu un total di 270 tonelada di carga, for di e waf di La Vela den e estado Falcón. E aumento aki di comercio ta refleha un dinamica positivo di e relacion comercial cu Caribe Hulandes. Asina e vice presiddente di Camara di Comercio di La Vale de Coro, Juan Gotopo a bisa. Di e cantidad di tonelada menciona, mester bisa si cu mayoria tabata entre Venezuela y Corsou. Aki tabatin 235 tonelada di carta, mientras cu entre Aruba y Venezuela, ‘apenas’ 35 tonelada. E exportacion ta inclui productonan manera fruta, carbon vegetal, y mucho mas.Gotopo a splica cu desde cu a reanuda e comercio cu e islanan, a exporta un total di 2.875 tonelada di carga di e mesun waf Venezolano.  

  • VIDEO: Atia ta boga pa e ley laboral di Aruba bira uno mas progresivo

    VIDEO: Atia ta boga pa e ley laboral di Aruba bira uno mas progresivo

    ORANJESTAD – E gremio comercial Aruba Trade and Industry Association (ATIA) ta boga basta tempo caba pa haci e ley laboral di Aruba uno mas progresivo. E siman aki den e programa Noticiacla LIVE, e director Herrick Henriquez a remarca cu despues cu no a tende nada hopi tempo, e siman aki ta trata e tema cu gobierno y e respectivo minister. Click riba e video adhunto pa wak e segmento aki di e programa riba e tema menciona. 

  • Pa aña 2024 Aruba tin como meta pa yega na un total di 50 mil pasahero Colombiano

    Pa aña 2024 Aruba tin como meta pa yega na un total di 50 mil pasahero Colombiano

    ORANJESTAD /BOGOTA - Pa aña 2024 Aruba tin como meta pa yega na un total di 50 mil pasahero Colombiano, es decir mantene e mesun cantidad cu a obtene na aña 2023, e aña cu mas pasahero a atrae for di e pais aki, loke ta demostra cu nos ta kere den Colombia y ta confia den e industria turistico. Ademas, e rutanan nobo cu ta conecta Colombia cu Aruba tambe a permiti cu a yega na e cifra aki. Di un otro banda, na nivel Latino Americano, ta spera di crece cu 28% compara cu aña 2023. Lo mantene e mesun inversion di mercadeo similar pa e mercado Colombiano na aña 2023 cu hopi enfoke riba promocion y posicionamento di

  • ATA a lansa campaña 'El Efecto Aruba' p’e mercado Colombiano

    ATA a lansa campaña 'El Efecto Aruba' p’e mercado Colombiano

    ORANJESTAD/BOGOTA - Aruba a lansa su strategia global 'El Efecto Aruba', cu ta basa riba tur loke cada local ta transmiti, cada luga y cada experiencia cu e bishitante ta biba na Aruba y cu ta dura den tempo.

  • Powered by SETAR