Pareha Hudiu cu demanda miyonario contra Jetblue, despues di a vacaciona na Aruba

NEW YORK – Un pareha ortodoxo Hudiu a demanda e aeroliña Mericano JetBlue pa 40 miyon dollar, citando discriminacion. Nan tabata bolbe di nan vacacion na Aruba na februari 2021,ora cu e aeroliña a baha nan for di avion. No ta cla unda nan a wordo baha, ni esaki a sosode na Aruba, ya cu e documentonan ta bisa solamente cu e pareha tabata bolbe di Aruba y tabata na caminda pa New York. Nan lo a wordo baha hunto cu un otro famia hudiu. Nan tabata bisti segun e custumber religioso di nan comunidad. Net prome cu e avion a lanta buelo, e avion a bolbe e gate. E rason oficial e tempo ey, ta cu e pareha a kita nan tapaboca den avion (e tempo ey e pandemia Covid19 tabata den efecto).