Wever: Digitalisacion di proceso di vestigingsvergunning ta dunanan su frutanan

ORANJESTAD - Digitalisacion di proceso di vestigingsvergunning  ta dunanan su frutanan. Asina minister di Economia Geoffrey Wever a sigura den un comunicado diabierna. Segun e mandatario, 

desde inicio di gobernacion  e tabata  tin e meta pa mehora e processo di habri un negoshi na Aruba. Asina aki hopi instancia gobermental a bai over na digitalisacion unda cu e cliente no tur ora mester acudi personal pero por regla hopi cos online.  Asina aki DEZHIa conduci un survey  pa haya sa con satisfecho cliente nan ta cu e servicio brinda personal y digital di DEZHI relaciona cu vestigingsvergunningen, pues permisonan pa negoshi.

Segun Wever, por nota cu tur esnan cu a participa na e survey aki alrededor di 80% ta satisfecho cu e servicio brinda como tambe e experencia di haya e informacion nan debido via e website di DEZHI.

Door di e digitalisacion tambe awor DEZHI ta duna permisonan hopi mas rapido. Awor un commerciante por tin su permisonan ja caba den 2 pa 4 siman dependiendo di e complejidad di e petición/bedrijfsactiviteit/doelstelling of cantidad di directornan. 

DEZHI lo bai keda haci survey nan asina pa keda monitor y mejora nan servicio unda cu mester.

“Mi ta contento di por tende cu e proceso di digitalisacion ta dunando su fruta nan,” Minister Wever a cuminsa ta bisa, “Parti di vision di nos Ministerio ta pa nos minimalisa redtape y optimalisa e servicio pa haci mas facil pa haci negoshi aki na Aruba.”