Kiwanis Club of Palm Beach aportando na comunidad di Aruba en general

Kiwanis Club of Palm Beach aportando na comunidad di Aruba en general

Posted on 02/1/2024 2:08 pm AST | Updated on 02/1/2024 2:29 pm AST

ORANJESTAD - Kiwanis Club of Palm Beach (KCPB) a tuma nota di algun publicacion insinuando cu KCPB lo no ta aportando na Carnaval y cu KCPB lo ta actuando contra ley pa cu e fiesta anual di Masquerade. KCPB ta lamenta e insinuacionnan aki.

Pa 40 aña KCPB ta contribuiendo na nos comunidad, cu un cantidad grandi di proyectonan na beneficio di desaroyo di muchanan ariba nos isla. Tambe KCPB a bin ta haci donacionnan cuantioso pa un cantidad grandi di organisacionnan cu ta aporta na educacion, deporte, y na garantisa cu muchanan no mester pasa hamber na Aruba. KCPB ta organisa diferente actividadnan pa genera fondo pa por cumpli cu e metanan menciona. E tent di KCPB na paradanan di Carnaval y e fiesta di Masquerade ta dos di e actividadnan pa genera e fondo necesario. E dos actividadnan aki ta posibel cu aporte di diferente comerciantenan cu ta permiti KCPB usa nan tereno/edificio priva y/o ta haci donacion pa por logra esaki.

KCPB ta consisti di un grupo dedica di boluntario cu ta aporta di nan mes cartera, tur luna financieramente y ta duna tur dia di aña di nan tempo liber pa logra e metanan ariba menciona. KCPB su focus ta pa aporta na comunidad general y lo sigui haci esaki cu hopi amor.

Manera costumber, despues di actividadnan di KCPB, tur fondo crea lo wordo reparti na organisacionnan cu ta aporta na interes general. Asina KCPB lo sigui pone su energia y dedicacion na cosnan positivo pa comunidad di Aruba. KCPB ta gradici cada un persona, organisacion, commerciante cu ta yuda KCPB pa logra e meta di yuda comunidad di Aruba. NOTA: E potret cu ta acompaña e articulo aki ta uno di archivo y ta di un actividad di Kiwanis Club of Palm Beach y ta sirbi aki solamente pa ilustracion. 

  • Kiwanis Club of Palm Beach a otroga mas cu Afl 100 mil na donacion di Carnaval

    Kiwanis Club of Palm Beach a otroga mas cu Afl 100 mil na donacion di Carnaval

    ORANJESTAD – Diahuebs dia 29 di Februari 2024 Kiwanis Club of Palm Beach a tene un ceremonia ameno pa otorga donacion na varios organisacion caritativo of social den nos communidad. E donacionan aki ta wordo cubri cu fondo procedente di Kiwanis Club of Palm Beach su actividadnan di recaudamento di fondo, entre otro esnan cu recientemente a wordo organiza durante temporada di Carnaval: e conocido Kiwanis Masquerade Party y e Kiwanis Carnival Fundraising Tent na Boulevard. E suma total cu a keda otorga a surpasa e montante di Afl 100 mil.

  • Aruba One Happy Island Lions Club a haya mas miembro acerca

    Aruba One Happy Island Lions Club a haya mas miembro acerca

    ORANJESTAD - Recientemente durante reunion di miembresia pa luna di februari, Aruba One Happy Island Lions Club tabata tin e placer y orguyo di huramenta  tres miembro nobo. 

  • Biblioteca Nacional:” Diescinco escritor, un cosecha

    Biblioteca Nacional:” Diescinco escritor, un cosecha

    ORANJESTAD - Na juni / juli aña 2023, Biblioteca Nacional Aruba a organisa dos curso di Skirbimento Creativo, uno pa Principiante y tambe uno pa esnan Avansa, duna dor di escritor Vi Frank Jr, escritor di entre otro e prome thriller na Papiamento, titula “Damnatio ad Bestias” (Condena n’e Bestianan), y e coleccion di storia misterioso titula “Outpost Alto Vista”, un obra den e genero di Cosmic Horror. 

  • FAVI A celebra 50 anniversario en grande

    FAVI A celebra 50 anniversario en grande

    ORANJESTAD - Minister di Turismo y Salud Publico sr. Dangui Oduber a atende e celebracion di e 50 aniversario di FAVI, un organisacion cu ta dedica pa sostene y guia personanan cu ta visualmente incapacita ariba e isla di Aruba.  E tabata un honor pa presencia e e logronan di un organisacion cu a dedica mita siglo pa fortalece y mehora e bida di esnan cu limitacion visual.  

  • Scohe bo proyecto preferi pa Aruba Doet 2024- Haci bon, pasa bon!

    Scohe bo proyecto preferi pa Aruba Doet 2024- Haci bon, pasa bon!

    ORANJESTAD – Aruba Doet ta invita e comunidad di Aruba pa bin “Haci bon y pasa bon”! Ariba diabierna 15 y diasabra 16 di maart 2024 CEDE Aruba, den cooperacion cu Oranje Fonds, lo ta organisando e di 12 edicion di Aruba Doet!

  • Cinco fundacion ta uni diaranson awo na MFA Noord den encuentro 'Nos t'ey pabo'

    Cinco fundacion ta uni  diaranson awo na MFA Noord den encuentro 'Nos t'ey pabo'

    ORANJESTAD - Diaranson awo dia 21 di februari 5 fundacion ta uni un bes mas pa trece informacion riba e topico di cancer. E 5 fundacionnan ta ofrece y invita pueblo di Aruba pa participa hunto den un charla informativo diaraanson awor. 'Nos t'ey pabo' ta un serie di charla organisa den diferente bario pa asina trece tur informacion cu bo ta desea, mas cerca di bo. E 5 fundacionnan a uni pa conscientisa comunidad. No solamente tocante nos servicionan individualmente pero tambe pa den unión nos por t'ey pa otro.

  • Powered by SETAR