Na Corsou, casonan di Dengue ta sigui aumenta

WILLEMSTAD  – Via di vigilansia epidemiológiko den kolaborashon ku laboratorionan, Servisio di Salubridat Públiko di Kòrsou (UO G&Gz ántes GGD) ta konfirmá sirkulashon di e vírùs di Dengue. Den e delaster simannan di 2023 a konfirmá algun kaso di Dengue i durante yanüari e kasonan a sigui oumentá. Na total a konfirmá trintiun (31) kaso di Dengue i un (1) kaso di Chikungunya den e último 6 simannan. Oumento den petishon pa tèst na laboratorio i oumento di kasonan paresido na Dengue serka dòkternan di kas, ta indiká ku e malesanan aki ta sirkulá i a kuminsá plama. Ta importante pa keda kòrda ku síntomanan di Dengue, Chikungunya i Zika ta parse otro. Ta tèst pa tur tres malesa i te ainda a konstatá ku práktikamente tur a tèst positivo pa Dengue. NOTA: Texto ta scirbi den Papiamento fonetico di Corsou.