Awe ta ultimo dia! Fila largo na DIMP pa paga number di auto

ORANJESTAD – Manera por a spera, por a mira filanan largo e 2 dianan aki di hendenan cu a bin paga nan impuesto pa auto. Dialuna Noticiacla a raporta caba cu departamento di impuesto a alerta cu casi 80% di e plachinan di auto no ta paga ainda pa 2024, cu ta laga cu apenas 20% a haci esaki y cu tabata falta apenas 2 dia mas. Esey ta nifica cu casi 70 mil automobilista lo tabatin 2 dia pa haci e pago y esaki tabata practicamente imposibel pa procesa den 2 dia di tempo, a lo menos cu esaki sosode grandemente via e sistema online. Filanan na DIMP entre otro y na varios MFA tabata bisti awe mainta di esnan cu a warda te ultimo momento pa haci nan pago.