Van Huffelen a ricibi prome ehemplar di buki Kadushi Prikkeljaar di escritor Zwart

DEN HAAG – Secretario di estado Hulandes Alexandra van Huffelen a ricibi e prome ehemplar di e bundle ‘Kadushi Prikkeljaar’ di e escritor y publicista René Zwart. Den su buki tin 53 columna cu a keda publica den 2023 bou di e alias Kadushi riba e portal DossierKoninkrijksrelaties.nl, hunto cu otro publicacionan cu a aparece tambe riba e portal di coresponsalnan di  Aruba, Bonaire, Curaçao, Saba, Sint Eustatius y Sint Maarten. Den e columna, Zwart ta relata den un forma skerpi riba e politiconan y gobernantenan di e islanan Caribe Hulandes y Hulanda. Van Huffelen constantemente tabata un blanco di e columna. Asina mes van Huffelen tabata hopi casual den su reaccion riba e buki. “Mas hopi biaha cu ta agradabel, e hangua di e kadushi ta wordo hinca den lugarnan doloroso. Y cu rason, pasobra tin hopi den wega. E relationan di Reino merece comentario skerpi y critico” e mandatario a pone como comentario den e buki.  E buki no ta na benta pero por wordo gedownload gratis den forma di PDF di e portal  DossierKoninkrijsrelaties.nl.