Setar cu bat special di Xander Bogaerts pa clientenan

ORANJESTAD - Despues di a forma parti di e lantamento di e fundacion di Xander Bogaerts, SETAR a laga traha algun bat cu e nomber di Xander Bogaerts graba riba dje. SETAR ta conoci pa semper ta aporta den loke ta positive pa e hubentud di Aruba, motiva y stimula nan pa por sigui studia, crece den bida, den full nan potencial y talentonan hibando nan pa un futuro briyante.

Asina SETAR a traha carchi di telefon prepaga “limited edition” di Xander cu ya caba ta den circulacion y awor ta trece tambe e bat di baseball di Xander. Lo rifa e batnan aki entre e clientenan di SETAR, cu e pakete di MLB Extra Innings of durante di transmission di MLB via Telearuba. Alabez, SETAR ta pidi un y tur pa keda pendiente riba e pagina di Facebook di SETAR na unda tur siman lo tin algun pregunta pa por contesta y participa pa gana tambe.

Danki special na Xander Bogaerts pa e cooperacion presta na SETAR. SETAR ta hopi contento di por tin e oportunidad di ofrece e “collector’s item” aki na su clientela como premio. Riba e potret por mira ehecutivonan di departamento di Mercadeo di SETAR, Juliska Henriquez y Andreina Kock hunto cu Xander Bogaerts na oficinanan di SETAR momento cu e batnan a yega.