Encarga cu e stage, ni awacero no a stroba Gina van de Laar laga Tumba Festival di Corsou cana bon

WILLEMSTAD – Dialuna anochi Corsou a tene su prome di e tres anochinan di prefinal di Tumba Festival 2024. Un total di 11 tumba a zona y awe diamars anochi e siguiente cantidad di tumba lo zona. Pa algun tempo caba, e ‘operacion’ di Tumba riba stage ta den man di e conocido dama Gina van de Laar, cu ta percura pa tur cos cana bon. Y den su calidad como tal, ora cu e dia ta domina pa tempo di awa, esaki por tin su reto. Awa a yobe henter dia y menasa anochi tambe. Y pa e festival, unda cu tin yen aparato technico riba stage esaki por bira un problema. Pero van de Laar tabata sa di maneha tur cos y tur hende pa e anochi cana ‘smooth’ asina mes.

MENASA DI AWA

Ora cu bo ta encarga cu tur cos riba e stage, awa ta bira un reto sigur. “Anochi a cuminsa un poco di stress, debi cu awacero a keda menasa” van de Laar a cuminsa bisa Noticiacla. Esaki pasobra manera indica, awa a cay gran parti di e dia. Y su motibo tabata uno valido pa tin stress. “ Debi cu nos tin te maken cu un technical setup, waar je U tegen zegt, nos no por cende un switch zomaar y cuminsa cu e show”, e ta sigui bisa. “Dus nos a tuma e tempo pa make sure everything was up and running on a perfect level”. Esaki a rekeri algun cambio pero nada cu e no por a maneha. “ Nos a adapta nos schedule/draaiboek, y a base di esey nos a cuminsa bay live 8:30 ‘or, y start show pa 8:45pm mas o menos”. Y cada minuut tabata conta, y van de Laar a percura pa esey tambe, pa no bay off di e tempo. “ From that moment on, nos a trek pa make sure nos por caba show on time. Tur grupo a werk mee super bon, anto esey tambe ta ta yuda pa asina nos di productie por a draai e show hunto cu AMAK (e fundacion responsabel pa e festival:red). Awe ta di dos anochi, y van de Laar ta cla pa continua y sigui e resto di siman. Pe, su anochi riba diabierna ta cuminsa for di 6or di atardi y caba 6or di mainta. Un experencia increibel y cu e ta gusta hopi.