CAFT: Gobierno di Aruba ta entregando informenan crucial cu retraso desde 2021

ORANJESTAD – E colegio di supervision financiero CAFT un biaha mas ta critica gobierno di Aruba cu e retraso di entrega informenan di implementacion di Aruba cu bastante retraso. Segun e ultimo conseho di CAFt, esaki no ta cos nobo, sino cu ta sosode "desde final di 2021". CAft a pidi atencion pa esaki varios biaha, entre otro den su cartanan di 21 di juli 2023 y 18 di augustus 2023.3 E retraso structural den e entrega di e informenan di implementacion ta limita e posibilidad pa por comproba si e presupuesto ta realistico of si durante e aña e lo rekeri modificacion’, e colegio ta sigui bisa. “Ademas, e falta di cifranan di realisacion actual ta limita e derecho di budget di Parlamento. P'esey, CAft ta bolbe pidi boso pa observa e plaso legal prescribi den e LAft pa entrega di e UR” e colegio ta sigui.

POR TRAHA TOCH

A pesar cu CAft no a ricibi informacion formal di implementacion, e ta bisa si cu e ta dispone di cifranan di realisacion mas actualisa di e ingresonan di impuesto te cu september y e imagen mas actual di e resultado anticipa di e sobra entidadnan di e sector colectivo. CAft a ricibi e cifranan aki di Aruba y a involucra nan den e evaluacion di e di dos UR. A base di e informacion aki, CAft ta anticipa cu Aruba lo por sera e aña 2023 cu un surplus di financiamento di e sector colectivo di aproximadamente AWG 170-190 miyon. NOTA: E potret ta di archivo di Noticiacla.