Van Huffelen: Ta na mesa cu Aruba pero no tin progreso

DEN HAAG – Aruba y Hulanda ta na mesa papiando. “Pero no tin progreso” tabata contesta di secretario di estado Hulandes Alexandra van Huffelen dialuna mainta na Noticiacla. E mandatario a tene un conferencia di prensa virtual cu prensa di Reino Hulandes, relaciona cu e ultimo Rijks Minister Raad di diabierna ultimo. Van Huffelen a sigura cu ta na mesa papiando cu Aruba. Pero ora cu noticiacla a puntr’e cu si tin progreso, e la bisa cu no. No tin progreso” e mandatario a confirma. A la bez e la confirma cu Aruba for di 1 di januari 2024 a cuminsa paga e interes halto, a puntr’e cuanto esaki ta. Y e la confirma cu ta esun mas halto esta di 6.9%. 

BISHITA DI PREMIER

Recientemente e mandatario Hulandes a bishita Bonaire y Corsou pero no Aruba mirando cu no tin ningun acuerdo y ningun tema politico otro pa papia ariba. Ora cu a puntra e mandatario si e tin un proximo fecha pa bishita Aruba e mandatario a bisa no. “Pero premier Wever-Croes ta biniendo Hulanda aki un par di siman y e ora mi lo papia cune personalmente” van Huffelen a sigura Noticiacla. Por scucha e entrevista completo AKI.