Keho pa persecusion penal contra minister Hooyboer

ORANJESTAD – Bow di e nomber “Nos ta Aruba”, ciudadano Jan de Ruijter a entrega un denuncia pa persecucion penal di minister Michelle Hooyboer Winklaar. E ta relaciona cu e caso di seguro pa studiante na Hulanda, y unda cu ta culpa e mandatario di e.o. fixed bidding e compania Insure-to Study. Den un carta na fiscal mayor Erick Olthof, de Ruijter ta suma 9 punto, cu segun de Ruijter, e mandatario en cuestion ta haci su mes culpabel y pa cual e mester wordo persigui.

DENUNCIA

De Ruijter, cu ya tin denuncianan entrega contra otro ministernan di e mesun gabinete, ta relaciona e caso aki cu e sentencia di dia 6 di mei ultimo den cual hues a dicta cu e, esta de Ruijter, no mester rectifica declaracionnan haci den e matutino Solo di Pueblo.

OTRO CASONAN

NoticiaCla.com no a haya confirmacion di Ministerio Publico ainda, riba e otro casonan di denuncia, y a haya tende cu mas den dia lo tin claridad riba esaki. Lesa e keho oficial aki.