Conocido presentador Jeroen Pauw ta reemplasa presentador Khalid cu ta acusa di soborno

HILVERWUM – E conocido presentador Hulandes Jeroen Pauw ta reemplaza Khalid Kasem temporalmente na e programa  Khalid & Sophie. E motibo ta cu Kasem ta wordo sospecha di a soborna un ambtenaar na 2019 tempo cu e tabata abogado. E lo a haci esaki pa libera un cliente mas liher. Khalid mes ta desmenti e acusacion aki. Pero pa buena marcha, Khalid a retira despues cu e portal AD a raporta e caso den un articulo. Pauw a bay di acuerdo pa temporalmente tuma e rienda di e show, hunto cu e presentador Sophie Hilbrand. E programa ta cambia di nomber temporalmente di Khalid & Sophie, pa Sophie & Jeroen. Pauw ta conoci pa e talkshow den pasado Pauw & Witteman. E programa Sophie & Jeroen lo cuminsa pasa riba 29 di januari riba NPO1.