Arends: Ta cumpliendo cu veredicto di caso cu Amsterdam Manor a gana contra gobierno

ORANJESTAD – Gobierno ta cumpliendo cu e sentencia cu e la haya sirbi contra dje, recientemente pa loke ta trata e situacion di mal holor na Eagle. Specificamente e caso cu e hotel Amsterdam Manor a cuminsa contra gobierno y cu recientemente a dicta fayo contra gobierno. E minister en cuestion di Medio Ambiente Ursell Arends a sigura prensa diahuebs, (pregunta haci pa reportero di 24ora.com) cu e ta cumpliendo y cu tin combersacionan andando te hasta cu e gerente di hotel, pa comunica tur loke cu gobierno a haciendo. Segun e mandatario a sigura cu di su ministerio a inverti algo mas cu 400 mil florin y hunto cu otro stakeholders (no a bisa cua nan:red) esaki tabata suficiente pa haci cierto coreccion na e situacion di planta di RWZI na Bubali conforme e sentencia. Segun e veredicto, pa cada dia gobierno no haci algo, e lo mester a paga un multa di 10 mil florin te un maximo di 250 mil florin. E mandatario a sigura cu tambe a keda cla cu pompnan y otro methodonan, pa percura cu e ta den cumplimento cu e veredicto y cu esaki no mester resulta den pago di multa. Ademas e minister a sigura cu na februari, un compania AWSS lo cuminsa maneha e planta den un forma priva, y inverti un planta mobil cu ta suficiente pa resolve e situacion, te ora cu tin un planta completamente nobo traha.