A haya curpa di un di e Venezolanonan cu a disparce na caminda pa Aruba na December ultimo

CARACAS – Un di e 9 personanan di estado Falcon cu a disparce durante e biahe pa Aruba na December ultimo unda cu varios persona mas a disparce y posiblemente a fayece, a wordo haya den un estado di descomposicion. E la wordo haya cerca di e isla di San Andres, drumi mitar den e boto, mitar den awa. E estado di descomposicion a tarda e proceso di identificacion, pero e tabatin un tatuahe particular via cual a identifica e persona toch. Tambe a haya un boter den cual tabatin documento di identidad cu tabata coresponde na un di e otro personanan. E boto a sali di Buchuaco destino pa Aruba como un di e biahenan illegal, pero nunca no a logra yega. Tin un video cu ta mustra e curpa, pero e estado tabata mucho cruel pa publicacion pues noticiacla a opta pa no publica esaki. Potret cortesia www.noticiaaldia.com