Polis deteni pa asesinato, traslada pa prison na Aruba

CURAÇAO – E polis cu tabata sera na St Maarten, relacion cu morto di Akeem Isidora (22), a wordo traslada pa KIA na Aruba. Asina e corant Daily Herald a raporta awe. Segun fiscal Tineke Kamps, a haci esaki den cuadro di seguridad pa e polis deteni. “E polis tabata wordo menasa den prison na St Maarten”. Ta acusa e polis di asesinato of homicidio involuntario. Despues di e incidente, a suspende e polis di su funcion.

E CASO

Tabata dia 4 di maart ultimo, cu un agente policial a keda involucra den un tiroteo, cu resultado fatal. E polis, cu tabata den su ora liber, a haye den un discusion verbal cu un grupo di hoben. Na tal occasion e la wordo menasa. Despues di esey cosnan a ‘sosode hopi lihe’. Den tur esaki 3 tiro a cay, di cual uno a alcansa Isidora, cu a fayece na e sitio mes.

CASO BIEU

Un conoci di e victima a splica cu den pasado caba e polis en cuestion tabatin problema cu e victima. Esaki lo tabata indicativo den e caso ultimo aki, cu a conduci na morto di e hoben.

TRASLADO

Segun Kamps, Y lo ta presente den e caso na St Maarten, pero no a bisa ki dia e caso lo ta, ni ki dia lo traslad’e bek pa St Maarten.