Awe ta ofisialisa resultado di eleccion na St. Maarten

PHILIPSBURG - Konseho Elektoral di ST. Maarten (“Central Voting Bureau”) ta tene un seshon públiko awe 16 yanüari pa 10’or di mainta den sala di parlamento. E seshon aki ta konforme artíkulo 87 paragraf 1 di lei elektoral i tin komo meta pa garantisá integridat i transparensia di e proseso elektoral ku a tuma lugá 11 yanüari último.

Durante e seshon aki Konseho Elektoral riba inisiativa propio òf a base di petishon di un òf mas votadó por duna òrdu pa hasi un konteo di nobo di votonan emití na sierto òf tur urna elektoral. Esaki ta un parti esensial di garantisá ku a hasi un konteo korekto despues di elekshon.

E seshon públiko ta aksesibel pa tur ku ta interesá. NOTA: Texto ta scirbi den Papiamento fonetico di Corsou.