Tin un impasse entre dokternan di cas y AZV pa e contract nobo di trabou

ORANJESTAD – Tin un impasse entre e docternan di cas y AZV pa loke ta e contracto di trabou. Presidente di e asosacion di dokternan di cas HAVA, drs Joaquin van Trigt a confirma esaki diahuebs anochi den e programa Noticiacla LIVE. Segun e medico, tin un impasse unda cu e ultimo informacion ta cu HAVA a rechasa e ultimo proposicion di AZV pa loke ta bira e contract di trabou nobo. Segun van Trigt, ta sinti cu nan situacion ta rekeri un aumento specifico, pero AZV no kier duna aden. E ta sigura cu nan a documenta y presenta nan caso cu cifras pa mustra realmente kico e situacion ta. E tin tur speransa sinembargo cu e batata cayente aki lo keda resolvi y cu partidonan por haya otro. Un di e posibilidadnan remoto, eventualmente por ta cu AZV ta haci palabracion concreto preto riba blanco cu pa 2025 si por logra e aumento cu nan ta pidiendo pe, y cu na 2025 ta logra loke cu segun aworaki AZV ta bisa cu no por logra. Segun van Trigt, AZV ta señala retonan financiero, incluyendo e rosea cayente di Hulanda, cu ta exigi reduccion den gasto medico di AZV.