Corte: Retiro 'inmediato' di ex coordinador di RED pa a post video humando cannabis, ta incorecto

ORANJESTAD – Ex coodinador pa partido RED, Kinsasha vd Bliek a gana su caso contra gobierno diaranson den corte di LAR. Esaki ta nifica cu e retiro cu e la haya for di su trabou e tempo ey, pa a e.o. post un video riba Facebook unda cu supuestamente e lo tabata huma un sigaria di cannabis, y falta na trabou, ta infunda y pues Corte a revoca e decision ey di gobierno. Corte ta di opinion cu mientras cu berdad e la viola cierto regla di trabou, door di e.o. aparenta cu e tabata huma cannabis, locual ta contra ley, di otro banda no por proba cu siguridad via e video cu enberdad e loke e tabata huma, tabata cannabis. Ademas e loke e la haci, door di (e tempo ey durante campaña politico como miembro di partido RED) promoviendo e programa di partido, cu ta di promove e uso di cannabis, ta parti di libertad di expression. Mientras cu Corte ta haya cu e la viola cierto regla di trabou, incluso e apariencia di ta huma un substancia contra ley, e retiro manera cu e la haye, ta un medida mucho pisa pa esaki. Y como tal a revoca e decision tuma di gobierno. Por lesa e sentencia AKI.