Corsou ta raporta cu tin un aumento den casonan di griep y Covid!!

WILLEMSTAD - E situashon ta serio, esei pa motibu ku EXTRA a komprondé for di kanalnan ofisial ku nan ta notando un oumento den kasonan di ‘Influenza’ (grip), pero tambe Covid-19. Esaki ta otro motibu pa komunidat bai bèk na uso di tapaboka (mondkapje) pa evitá ku ta kontagiá otro. EXTRA tin entendí ku, pa vigilá posibel problemanan di salú departamento di Epidemilogia di e servisio di Salubridat Públiko (G&Gz ántes GGD)  ta kolaborá ku un grupo di 10 dòkter di kas i tambe ku laboratorionan. Komo resultado di esaki a konstatá un oumento di kasonan di infekshon respiratorio den nos poblashon.

Pa medio di kolaborashon ku laboratorio ADC a identifiká tambe kasonan hospitalisá tantu di Covid-19, Influenza A i B i tambe di e vírùs RSV (Respiratory Scyntyal virus). Tur esaki a ser publiká den inisio di desèmber huntu ku medidanan di prekoushon ku por tuma. Ademas di e trabounan rutinario tambe Ministerio di GMN a tuma kontakto ku Curaçao Medical Center (CMC) i Huisartsenpost (HAP) Otrabanda pa investigá mas tokante e desaroyonan aki.

Di parti di Curaçao Medical Center (CMC) ta raportá ku nan ta enfrentá un kantidat grandi di personanan ku ta presentá na departamento di emergensia ku kehonan respiratorio (esaki por inkluí: nistermentu, tosamentu, doló di garganta, problema ku rosea). CMC ta enfatisá, ku personanan ku keho mester mèldu promé na nan dòkter di kas òf Huisartsenpost (HAP), i si ta nesesario esakinan lo pèrkurá  pa referí e pashènt na hospital.NOTA: Texto ta scirbi den Papiamento fonetico di Corsou.