Polis a detene 8 persona durante Parada di Flambeu

ORANJESTAD - Diasabra anochi pa exactamente 8or di anochi e parada di Flambeu a start sali for di dilanti ex-Kooyman na Avenido Milo Croes. Cuerpo Policial conhuntamente cu SMAC y Minister President su excelencia sra Eveline Wever-Croes a cende e flambeu pa asina hasi inicio di e parada. Ora cu polis a haci un control  riba e vehiculonan cu a forma parti di e parada, aki a bin constata cu tabatin vehiculonan y cu no tabata tin e documentonan necesario. Tambe saca un UTV pa no tin documento na ordo. A dicidi e ora pa para e parada te ora a logra yega na un solucion. 

Despues parada a sigui y pa cuarto pa 1 di marduga manera Noticiacla a premira, envez di 12’or mei anochi manera polis a planea,  e cabez di e parada a yega ex -DOW mientras cu pa algo prome cu tres or di marduga, e final mes a yega ex DOW. 

MENOS DETENCION

Por bisa cu e aña aki e detencion a baha, segun polis unda cu tabatin 8. detencion pa faya bo haya. E detencionnan tabata pa buracheria, bringamento, pasecion droga, posesion di arma blanco y insulta un polis. Tabata tin 2 detencion  relaciona cu maltrato cu a wordo pasa pa departamento di recherche . Aña 2023 e parada di Flambeu a conta cu 19 detencion