OM: Polis ta cuminsa ristra preventivamente diasabra pa Fakkel

ORANJESTAD - Ministerio Publico y Cuerpo Policial di Aruba a informa diabierna cu polis lo ristra preventivamente durante actividadnan di Carnaval na Oranjestad y San Nicolas riba posesion ilegal di arma di candela.

Na Playa lo ristra preventivamente durante Fakkel (6 y 7 januari), Carnaval di mucha (28 januari), Lighting Parade (3 y 4 februari) y Parada Grandi (11 februari).

Na San Nicolas lo ta durante Jouvert Morning (2 y 3 februari), Carnaval di mucha (4 februari), Parada di luz (7 y 8 februari) y Parada Grandi (10 februari).

Den cuadro di e accion polis ta autoriza pa para tur hende y ristra nan paña, pidi pa habri tasnan y pakinan y busca den nan, y busca den auto y otro vehiculonan pa arma di candela illegal. Polis a wordo autoriza pa haci esaki dor di huez-comisario riba peticion di Ministerio Publico. 

Durante Fakkel na Oranjestad lo ristra preventivamente: 

•        di 6 januari 2024 desde 19.00’or te 7 januari 2024 pa 07.00’or

 Carnaval di Mucha Oranjestad:

•        riba 28 januari 2024 di 12.00’or te 24.00’or

Lighting Oranjestad:

•        di 3 februari 2024 desde 19.00’or te 4 februari 2024 pa 07.00’or

Parada Grandi Oranjestad: 

•        riba 11 februari 2024 di 11.00’or te 23.00’or

Durante Jouvert Morning na San Nicolas: 

•        di 2 februari 2024 desde 22.00’or te 3 di februari 2024 pa 10.00’or

Carnaval di Mucha San Nicolas: 

•        riba 4 februari 2024 di 12.00’or te 24.00’or

Parada di luz San Nicolas:

•        di 7 februari 2024 desde 19.00’or te 8 februari 2024 pa 07.00’or

Parada Grandi San Nicolas:

•        riba 10 februari 2024 di 11.00’or tot 23.00’or.

NOTA: E potret ta uno di archivo di Noticiacla cu ta sirbi solamente como ilustracion pa e noticia aki.