Gabinete di Aruba a conmemora victimanan di MH 17

Den Haag – Na momento cu henter Hulanda a tene un minuut di silencio y kloknan a bati pa e victimananan di e tragedia cu vuelo MH 17 di Malaysia Airlines na Ukraina, Minister Plenipotenciario Alfonso Boekboudt, staf y personal di Gabinete di Aruba y ATA Europa a tene un ceremonia pa recorda e victimanan. Banda di e banderanan di Hulanda y Aruba cu ta colga halfstok pa motibo cu awe diaranzon 23 di juli Hulanda tin un Dia Nacional di luto, Minister Plenipotenciario Alfonso Boekhoudt hunto cu directora interino di Gabinete di Aruba Shandra John a pone flor. Prome cu esaki sr. Boekhoudt a hiba palabra unda ela mustra ariba e impacto di e tragedia aki. Principalmente cerca e familiarnan, amigonan y conocirnan di e victimanan. Pero tambe nos tur, cu ta stima bida, no kier pa algo asina sosode cu ningun hende, ningun caminda. Pesey segun sr. Boekhoudt ta importante cu awe ta para keto na recorda esnan cu a perde nan bida den e desaster aereo aki. Despues di su discurso a tene un minuut di silencio na memoria di e victimanan.