Asosacion di agencianan di biahe Britanico tin Aruba den top 10 pa como destinacion pa 2024

LONDON – E paisnan Albania, Aruba y Zambia ta entre e 10 destinacionan cu e asosacion di agencianan di biahe Britanico (ABTA) a scohe pa tene cuenta cune pa 2024. Nan ta premira cu den e aña aki casi dos tercera parti di Britaniconan lo biaha pa exterior y e volumen di biahe lo yega e nivel di 2019. Ta premira cu casi 64% di Britaniconan lo biaha, cu ta un aña teriblemente bon pa biaha. ABTA su ultimo investigacion ta sugeri patronchi di biahe ta continua diverge di e peaknan tradicional, inicia pa consumidornan cu ta tuma multiple biahe pero ta tene cuenta tambe cu e balor di biahe. Citando e rapport Holiday Habits, casi mitar di esnan encuesta pa ABTA ta bisa cu nan kier bishita un destinacion nobo, cu 41% bayendo un pais nobo, esta un pais cu nan no a yega di bishita ainda. Mientrastanto consumidornan a tuma 3.4 biahe den 2023 local y internacional mientras cu 58% ta tumando un break local, cu ta pone cu awor mester a inclui un destinacion domestic tambe pa prome biaha den e top 10 di cual Aruba ta forma parti. 

ARUBA Y ISLANAN ABC

Interesante ta cu ta haci mencion di Aruba specifico, pero ta papia di islanan ABC. Ta haci mencion cu e islanan aki a aumenta drasticamente den popularidad cu e lansamento di e buelo directo di TUI den e winter di 2023 y buelonan di British Airways zomer pasa. Beachnan bunita, edificionan restaura y e cuminda tambe ta motibonan suficiente pa Britaniconan scohe nos isla como destinacion preferi den 2024.