Polis investigando caso di posibel intento di asesinato na Bushiribana

ORANJESTAD - Diahuebs anochi pa 18:57 central di polis a wordo informa di un caso na unda cu un persona lo mester a wordo maltrata pabao di Bushiribana. E persona maltrata lo tabata ubica den un di e trailnan (caminda) cu ta wordo uza pa ciclistanan. 

Central a despacha patruya di polis como tambe e helicopter di polis pa asina cuminsa cu un buskeda pa cu e persona. 

Despues di un rato e helikopter di polis a localisa e persona hende homber. A guia e patruya pa por yega na sitio na unda e persona ta.  Patruya eynan a encontra cu e persona hende homber y a transporta e victima te na altura di Matividiri pa asina personal di ambulance por a tope y  dune tratamento medico y despues ta transporte pa hospital. 

E prome informe ta cu segun e victima e lo a wordo maltrata pa 4 homber bisti full na preto y probablemente nan lo kier a cende na candela, esta intenta di caba cu su bida. 

Recherche a bay na e sitio como tambe polis technico pa asina cuminsa cu e investigacion.   

Cuerpo Policial ta haci un apelacion es cu sa algo of a wak algo yama e tiplijn di polis cu ta 11141. Bo anonimidad lo keda garantisa.