Segun Caribbean Journal, Aruba ta entre e 25 beachnan mas acesible di Caribe

MIAMI – Aruba ta riba e lista di miho 25 beachnan den Caribe pa bishita. E biaha aki ta e portal conoci Caribbean Journal cu ta dedica tempo na esaki. Aruba ta # 3 riba e lista, y Sandy Point di St Croix ta na prome lugar. E portal ta admiti cu ta un tarea hopi dificil pa dicidi, ya cu tur hende ta opina y tin criteria diferente pa scohe un beach. Den e caso aki, a dicidi cu ta usa e pensamento cu no ta busca solamente e beachnan mas bunita, sino esnan cu tambe ta acesible. Esaki pasobra tin beachnan hopi bunita den Caribe, pero cu no ta acesible pa un of otro motibo, sea ta e priva of cu mester paga pa yega na dje y usa, of cu ta dificil pa yega.