Polis na Hulanda kier prohibicion completo di klapchi, pero politica ta resisti

DEN HAAG – Polis na Hulanda kier pa bin prohibicion pa tira klapchi den henter e pais. Politica sinembargo ta contra e prohibicion. Polis ta bisa cu ta solamente un paro general por para e violencia y accidentenan di klapchi cu tin na Hulanda. Ademas e ta evita cu polisnan ta keda herida durante incidentenan ora cu nan tin cu atende cu personanan cu ta tira klapchi. E actuacion di polis ta wordo dificulta debi cu nan no por mira si ta trata di klapchi illegal of no cu ta wordo tira.  

RESISTENCIA

Gobierno ta resisti contra e idea. Particularmente e partidonan cu actualmente ta negoshando pa un gabinete nobo, esta partidonan 

 VVD, PVV, NSC y BBB ta contra. Segun nan, hendenan cu normalmente ta tira klapchi cu famia dilanti porta, no ta e problema. E problema ta esnan cu ta haci fastioso cu klapchi ilegalmente. Contra nan mester actua, segun e politiconan. Ayera Noticiacla a raporta cu por lo menos 12 hoben a perde sea nan man completo of parti di nan man cu tiramente di klapchi.