Corte a permiti publicacion di documento cu nombernan cu relacion cu ex comerciante criminal Mericano Jeffrey Epstein

NEW YORK – Corte Mericano a permiti publicacion di documentonan cu nomber di personanan cu tabatin relacion cu e comerciante Jeffrey Epstein, un comerciante delicuente acusa di pedofilia entre otro y cu a comete suicidio den prison na 2019. E caso aki ta asina grandi cu prensa Mericano tin tur atencion pa e documentonan aki. Nombernan di prominentenan a cay y tin hopi persona ‘nervioso’ cu esaki. Entre nombernan cu a cay ta di ex presidente mericano Bill Clinton, actor Leonardo de Caprio y Principe Andrew di Inglatera. E documentonan ta parti di un caso di 2015 contra e muher Ghislaine Maxwell cu tabata man drechi di Epstein. Un mencion sinembargo, no necesariamente ta nifica e persona tabata activo den e netwerk di maltrato di Epstein, Na tur tin 943 pagina cu nomber di personanan cu tabata relaciona cu Epstein.