Un sin fin di accidente a sosode durante weekend di cambio di año

ORANJESTAD – Fin di siman di cambio di aña a tene polis, bombero y ambulance hopi ocupa mes. Un sin fin di accidente a tuma lugar durante e weekend largo, unda cu practicamente cada ora tabatin un of otro incidente of accidente unda cu polis, bombero y of ambulance, of tur tres hunto, mester a acudi pa duna asistencia. Un di e casonan cu a hala atencion tabata esun dilanti di edificio di Parlamento unda cu un chauffeur femenino, pa un of otro motibo, a hala riba banda robez di caminda y topa un ambulance cu pashent, casi frontal. Ambos vehiculo a sufri daño considerable y tambe esnan cu tabata den e respectivo autonan. Remarcable ta cu hopi di e casonan tabata envolvi chaufeurnan femenino y mayoria tabata pa tabata bou di influencia di alcohol. Potret cortesia 24ora.com