Gobierno mester paga un hotel local, miles na daño y perhucio pa mal holor di riool

DEN HAAG – Corte a dicta recientemente (13 di december 2023) cu gobierno di Aruba mester paga Amsterdam Manor Beach Resort daño y perhucio pa a sufri di 20 aña di mal holor. Asina un sentencia di corte e siman aki ta dicta. E kehonan di mal holo ta conoci pa sigur 20 aña y ta bay bek fori di 2002 ora cu e hotel a reclama esaki inicialmente. Segun e caso, gobierno a haci yen di promesa pa reduci e problema pero segun Corte, gobierno no a haci suficiente pa logra esaki. E sentencia mes a keda publica e siman aki (27 di december 2023). 

CASO ANTERIOR

Den un caso anterior Corte a dicta caba cu gobierno tabatin 120 dia pa tuma paso adecuado pa remedia e situacion, of haya un multa diario di 10 mil florin te na un maximo di 250 mil florin. Ya cu gobierno no a duna oido na esaki, e hotel a bolbe hiba gobierno corte , cu un biaha mas a haya su mes mal sirbi. 

DAÑO Y PERHUICIO

E hotel tin derecho riba daño y perhuicio ya cu e la sufri perdida na entrada. Den corte, e compania a mustra prueba den forma di comentario negativo di turistanan cu a hospeda eynan, kehando riba e holor insoportable. Algun turista tabata te hasta conseha otronan pa no bin e hotel pa motibo di e situacion di holor. E problema di e holor ta cu e proceso di planta na Bubali ta haya su mes ta procesa 2 biaha mas awa di riool, cu e ta capacita pa haci. Esta e planta, conoci como Riool Water Zuiverings Instalatie (RWZ)I. Por lesa e sentencia AKI.