Charlie Wilson a demostra ‘old & new school’ durante SBMF

ORANJESTAD – E di dos anochi di Soul Beach Music Festival 2015, tabata totalmente di e cantante final Charlie Wilson. Hunto cu su rumannan, a gana fama como the Gap Band, Wilson a mustra cu e ta ‘old & new’ school pareu diasabra anochi. Un anochi cu demas artista Dru Hill y e MC Doug E Fresh, por wak atras riba un anochi exitoso musicalmente.

LOCALIDAD

E localidad nobo, Harbor Arena, a logra establece e ‘beach’ ambiance y pone tur hende sinti cu nan tabata ‘riba beach’ na Aruba atrobe. No obstante esey, algun presente a sinti cu e tabata mas ‘small’ cu esun conoci di Surfside, cu a crea e percepcion cu e area tabata mucho mas amplio. Esaki no a haci e ambiente menos bon, y a crea mas bien uno ‘cozy’, entre esnan presente.

STEAL THE SHOW

Di tur esnan presente, Wilson ta esun cu a capta e publico, cu un repertorio amplio, bayendo bek den temponan di The Gap Band, te na temanan cu te cu siman pasa ainda e tabata graba un video pe. Pues e cantante di pasado, a demonstra cu e ta mes bon cu esnan di awo, y di antes. Despues, durante e conferencia di prensa e la confirma cu e tabatin un aña sumamente exitoso, y cu apenas diadomingo caba, e ta bek pa Texas, pa ranca sali cu e siguiente parti di su tour cu no menos cu 20 toca. E prome anochi musical, sigur un exito musicalmente. Awe nochi ta e ultimo anochi, unda cu artistanan manera Estelle y Trey Songz lo ta e streyanan di e anochi.