Aruba y Corsou ta vigilando e derame di hydrocarburo na Venezuela

WILLEMSTAD – Aruba y Curaçao ta vigilando e derame recien di hydrocarburo na pais bisiña Venezuela. Ta trata di un leak di hydrocarburo na e refineria El Palito na Puerto Cabello den e estado Carabobo.  E Crisis Management Office Aruba (CMO) a bisa cu te awor e derame no ta forma un menasa pa Aruba, gran parti debi na e mareo cu ta hale for di Aruba. Asina mes ta vigila esaki si tin cambio. E leak a keda descubri prome biaha diamars ultimo, segun Yohan Flores, un director regional di e NGO Azul Ambientalistas a bisa e agencia di prensa AFP. Asina e portal Curacao.nu ta raporta. “Un gran parti di e beachnan di Puerto Cabello ta afecta” e la bisa, refiriendo na e haf mas grandi di e pais, 210 west di capital Caracas. E compania di estado PDVSA no a atende cu e leak aki, aunke cu e NGO ta bisa cu esaki a origina den un parti di desperdicio banda di El Palito, un di e refinerianan mas importante di e pais. E ultimo disaster petrolero na Venezuela a sosode na 2020 ora cu desperdicio di e refineria a drenta laman. Esey a causa un desastre na e parke nacional Morrocoy, un lugar turistico cu mas of menos 20 islanan chikito cu beach. Potret cortesia Curacao.nu