Na Corsou, awe mainta trabou di rescate pa homber pega den cueba, ta continua

WILLEMSTAD  – Tabata mas o ménos den kareda di 10 or di anochi ku outoridatnan a posponé e trabounan di reskate di dos persona ku ta pegá den un Gròt na 7 boka. A bira muchu skur i no por a kontinuá ku e trabounan.

Tur kos a kuminsá ora ku algu pasá  di 8 or di anochi polisnan ta haña notifikashon ku lo mester tin 3 hòmber den gròt den awa na 7 boka. Segun Extra su informashon ta trata di mesun gròt ku resientemente un persona tabata den problema i por sierto ta e mesun persona atrobe ta den e situashon fèrfelu aki. E biaha aki batata tres persona.

Kuerpo di Bombero huntu ku Polis i Warda Kosta a logra saka un di e personanan for di awa, pero ora a bira mas lat, laman a  bira brutu, loke ku ta difikultá e trabounan.

Esaki a pone ku a posponé e trabounan di reskate pa awe mainta 6 or, manera solo sali.

E dos personanan ta na bida Extra a komprondé i ta parse ku ta un gròt un poko hundu ku nan por wanta te mainta.

Ora e awa ta abou ta fásil yega den e gròt, pero ora e awa subi e ta bira un kos difísil.

Pues awe mainta e trabounan di reskate ta kontinuá. NOTA: E texto ta scirbi den Papiamento fonetico di Corsou.