Gobierno Mericano ta cualifica islanan ABC como un di e destinacionan mas ‘safe’ di Caribe pa Mericano

MIAMI – E islanan ABC, esta Aruba Bonaire y Corsou ta entre e 9 paisnan den Caribe mas sigur (safe) pa biaha, pa Mericanonan segun Departamento di Estado Mericano. Asina e portal Travelpluse ta raporta dialuna. E ta mustra cu conforme cu e reglanan y standard di e departamento menciona, e islanan ABC ta den bon compania hunto cu varios otro pais Caribense, y esey sigur ta un plus, sigur si ta bin di e propio autoridad mas halto di Merca. Otro islanan ta e.o. Antigua, Barbuda, Dominica, Grenada, St Kitts y tambe St Lucia.