Polis cu caso ‘misterioso’ di homber haya morto bandi caminda na Matividiri

ORANJESTAD - Diadomingo anochi pa mas o menos 7or central di polis a wordo informa cu lo tin un hende homber benta abao bandi caminda. A despacha un patruya na e sitio y a notifica ambulance. Na yeganda di e patruya a bin topa cu un hende homber cu no tabata duna señal di bida.  Ambulance tambe a presenta pero no por a haci nada mas. 

Mesora a pone e autoridadnan concerni na altura pa asina cuminsa un investigacion kiko por a pasa cu e persona cu a ser encontra sin bida. Pa 8:35 dr Texier a constata morto di e persona. Polis a sigura cu no a haya ningun indentificacion. E caso misterioso aki ta bao investigacion. 

Cuerpo Policial ta haci un apelacion pa es cu a sa algo of a mira algo yama e tiplijn di polis 11141. Si tin un persona cu ta sinti falta di un familiar por tuma contacto cu central di polis na nr 100.