Reunionnan parlamentario informal a cuminsa na Hulanda caba

DEN HAAG – Aunke cu ta te otro siman e reunionnan bi-anual entre parlamentonan di e cuatro paisnan di Reino - Aruba, Corsow, Sint Maarten y Hulanda- ta tuma luga na Den Haag, Hulanda, ya caba parlamentarionan a cuminsa atende cierto reunionnan. Un di nan ta lider di fraccion di AVP, Rene Herde, cu ya diahuebs mainta y merdia caba a reuni cu miembronan di Tweede Kamer di Parlamento Hulandes. Tambe el a atende e reunion di e Comision permanente pa asuntonan di Reino den Tweede Kamer, caminda tambe a topa cu dr. Ronald Plasterk, minister di Asuntonan di Reino.

TOPA

Na Den Haag Rene Herde' a reuni cu sr. Jeroen Recourt, presidente di e Comision di Asuntonan di Reino di Tweede Kamer. Tambe a combersa cu sr. Roelof van Laar (partido PvdA), sra. Wassila Hachchi (partido D66) y e minister di Asuntonan di Reino sr. Ronald Plasterk (di partido PvdA). Den sala di Tweede Kamer tambe a topa corto cu sr. Andre Bosman. Den oranan di mainta Rene Herde' a reuni cu contactonan di e diferente partidonan den parlamento di Hulanda. Tur den preparacion pa e reunionnan di otro siman.

IPKO

E reunionnan di otro siman ta ensera reunionnan cu miembronan di Parlamentonan di Corsow y Sint Maarten prome. Despues lo sigui e reunionnan cu miembronan di Eerste y Tweede Kamer di Hulanda. E reunionnan ta wordo transmiti directamente via television di Parlamento di Hulanda. Otro siman lo tin hopi informacion riba e reunionnan aki pa Aruba.