Na Corsou sentencia den caso di Ramon Chong contra gobierno pa e bira minister ta den februari 2024

WILLEMSTAD - Ayera a tuma lugá tratamentu di e prosedura a fondo ku Ramon Chong a entamá kontra di sr. Chester Peterson, gobièrnu di Kòrsou i promé minister di Kòrsou. E kaso aki for di 2021 a inisiá, kaminda Chong ta bringa pa e por ta un kandidato pa bira minister den nos pais. For di 2021 ku e kaso a inisiá den prosedura a fondo, dos aña largu partidonan a interkambiá di dokumento den e kaso aki, nota di defensa. Na último momentu sr. Chong a pidi korte pa e por trese su nota di defensa dilanti pa wes, kual petishon a keda honrá i tratá ayera.

Sr. Ramon Chong ta di e partido Nashonal di Pueblo (PNP). Djis despues di elekshon na komienso di 2021, e tabata e persona ku tabata sinta na mesa ku MFK p’asina por a forma un gobièrnu, gabinete Pisas II. E persona ku tabata Formadó, ta abogado Chester Peterson. Formadó tabatin na su enkargo pa skrudiñá kandidatonan pa bira minister. PNP a presentá sr. Chong pa bira minister di asuntunan di desaroyo ekonómiko i turismo (MEO), sinembargo Formadó no a presentá Chong na gobernadó komo kandidato pa minister debí ku e tin un karchi kastigu. E karchi kastigu aki ta di 22 desèmber 2003, kaminda el a keda kondena na 2 luna di prisòn kondishonal pa soborno. El a hasi esaki komo diputado di mesun kartera pa kual PNP kier a nombr’é komo minister na 2021.

Nos lei di screening pa bira minister ta indiká ku e kandidatonan no por tin un karchi kastigu. Si e tin un karchi kastigu, e no por bira minister. Mirando esaki, Chong ta di opinion ku e karchi kastigu lo a “verjaar”, i e mester por bira minister pa pais Kòrsou.

For di sèptèmber 2021 e kaso a start i a kontinuá den 2022, 2023. Ayera vários punto tékniko di e lei di “screening” a bin dilanti. Despues di basta ora “debatí” den korte, wes a indiká ku den luna di febrüari 2024 e lo dikta sentensia. NOTA: Texto ta scirbi den Papiamento fonetico di Corsou.