Aruba preparando pa temporada nobo di horcan

ORANJESTAD – Preparacionnan a cuminsa na Aruba pa e proximo temporada di horcan cu ta cuminsa dialuna na dos siman. Den combersacion cu e hefe di rampenbureau, Jaime Donata, tanto diaranson como ayera a tene reunionnan importante cu un ‘tabletop’, cu ta ensera varios departamento di gobierno y otro instancia. Entre nan, tabatin tambe presente di prome minister Mike Eman, segun Donata, cu tambe a presencia e informacion di preparacion.

PREPARACION

Tur aña ta haci preparacionnan pa percura pa tur instancia ta riba e mesun liña, den caso di calamidad, manera un tormenta pisa of un horcan, of simplemente otro tipo di calamidad. Durante e reunionnan aki, personal manera di DOW, Infrateam, Rode Kruis, Polis, dept Social, dept di Salud etc, tur ta uni pa asina prepara nan mes cu lo ultimo, y planea scenario nan si en caso mester activa e plan di emergencia.