Salud di cantante Celine Dion a empeora. E no tin control di su musculonan

ORANJESTAD – Cos no ta bayendo bon cu salud di e cantante Celine Dion. Ta conoci caba cu e artista di 55 aña ta sufri di e sindroma stiff person, cu ta un caso neurologico no comun no curable cu ta crea spasmo. Awor su ruman muher a raporta cu e no tin control mas di su musculonan. Celine Dion a bisa si cu e mes ta spera cu e por supera su situacion y bolbe presenta den publico. Desde December 2022 e la participa publicamente di su malesa y a bisa cu e malesa a afecta su stem y a cancela tur su presentacionan debi na e malesa aki.